Ermənipərəst lobbinin fəaliyyəti ABŞ-ın maraqlarına ziddir.

"Report" xəbər verir ki, bu barədə İsrailin Begin-Sadat Mərkəzinin və Bar-İlan Universitetinin baş elmi işçisi Aleksandr Murinsonun "Washington Examiner" nəşrində dərc olunan məqaləsində deyilir.

"Ermənistanın Rusiya ilə dərinləşən hərbi alyansı NATO üçün birbaşa təhlükə yaradır", - müəllif bildirib.
Onun sözlərinə görə, ABŞ-ın yaxın müttəfiqlərinə - Türkiyə, Azərbaycan və İsrailə birbaşa təhdid olan Rusiyanın istehsalı olan "İsgəndər" raket sistemlərinin Ermənistanda quraşdırılması regionda hərbi balansı dəyişib.

"Belə addımlar ABŞ Konqresi və prezident Baraka Obama administrasiyası tərəfindən təsdiq edilmiş Ermənistana maliyyə dəstəyinin davam etdirilməsi ilə kəskin uyğunsuzluq yaradır. ABŞ-da Ermənistanın adından əsas lobbiçilik fəaliyyəti ilə erməni kokusu məşğul olur. Bura respublikaçılar Frenk Pallone, Ceki Speyer, Devid Trott və Devid Valadao daxildir" - məqalədə qeyd edilib.

O, həmçinin əlavə edib ki, Beynəlxalq Hərbi Təhsil və Təlim (IMET) proqramı üzrə 600 min dollar, Xarici Hərbi Maliyyə (EMF) proqramı üzrə isə 1,7 milyon dolları məbləğində maliyyə yardımının ayrılması kontekstində Obama administrasiyası ABŞ üçün strateji əhəmiyyətli Xəzər regionunda Birləşmiş Ştatların tərəfdaşı olan Azərbaycana qarşı "paritet siyasət"in davam etdirilməsini təsdiq edib.

"Bununla bərabər, USAİD hər il Azərbaycanın suveren ərazisi olan, amma Ermənistan silahlı qüvvələrinin işğalı altında olan Dağlıq Qarabağa 2 milyon dollar ayırır", - müəllif qeyd edib.

"Ermənistan və Rusiya arasında hərbi ittifaqın güclənməsi fonunda onların ehtiyaclarının dəstəklənməsinə davam edilməsi sual altına salınmalı və mühakimə edilməlidir", - A.Murinson yazıb. O bildirib ki, Ermənistan Milli Amerika Komitəsi kimi erməni siyasi təşkilatları Rusiya maraqlarının daşıyıcılarıdır.

Bu baxımdan, A.Murinson erməni kokusuna töhmət verilməsini və Ermənistana maliyyə yardımının dayandırılmasını məsləhət görür.

 


Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300