Ən geniş sosial şəbəkə olan "Facebook”un Beynəlxalq Analar Günü münasibətilə tətbiq etdiyi yenilik Türkiyədə qəzəblə qarşılanıb.
Yeniçağ.Az Türkiyə mediasına istinadən xəbər verir ki, "Facebook” sosial şəbəkəsi Beynəlxalq Analar Günü münasibətilə "Bəyən” simvollarına əlavə edilən bənövşəyi çiçək minlərlə türk istifadəçinin narazılığına səbəb olub.
Bu narazılığın əsas səbəbi həmin çiçəyin Ermənistanda qondarma "soyqırımı” rəmzi kimi tanınan "Unutma məni” çiçəyinə çox bənzəməsidir. Ermənistan özünün qondarma "soyqırımı” təbliğatında o rəmzdən geniş istifadə edir.
"Facebook” idarəçilərinə narazılıqlarını çatdıran türklər onların bu vasitə ilə "erməni soyqırımı”nın təbliğatını apardıqlarını bildiriblər.
