NATO Rusiya ilə dialoqa hazırdır və yeni "silah yarışı”
başlamaq istəmir.
APA-nın TASS agentliyinə istinadən verdiyi xəbərə görə, bunu NATO-nun baş
katibi Yens Stoltenberq bəyan edib.
"Rusiya bizim qonşumuzdur və qonşumuz olaraq qalacaq. NATO yeni "soyuq müharibə”və
"silah yarışı” başlamaq istəmir. Dialoqu isə Rusiya-NATO Şurası xətti ilə bərpa
etmək mümkündür”, deyə Y.Stoltenberq bildirib.
Bununla belə baş katib qeyd edib ki, Rusiya Şərqi Avropada vəziyyəti
qeyri-stabillik yaratmaqda davam edir. Bu səbəbdən Alyans Baltikyanı ölkələr,
Polşa, Rumıniya və Bolqarıstanda hərbi iştirakını artırmaq məcburiyyətindədir.