"Xaç atası" filmi
kinematoqrafiya tarixində ən yaxşı film adına layiq görülüb.
APA-nın "RİA Novosti”yə istinadən verdiyi məlumata görə, reytinq Böyük
Britaniyanın nüfuzlu "Empire" jurnalının kinosevərlər arasında
apardığı sorğu nəticəsində müəyyənləşdirilib.
Frensis Ford Koppolanın 1972-ci ildə çəkdiyi film məşhur trilogiyanın birinci
hissəsidir. Film 1945-1955-ci illər zamanı Nyu Yorkun Siciliya əsilli Korleone
mafioz ailəsindən bəhs edir.
İkinci yerə 1980-ci ildə İrvin Kerşnerin çəkdiyi "Ulduz müharibələri. 5-ci
epizod - İmperiya cavab zərbəsi endirir” filmi layiq görülüb. Bu lent ötən il
reytinqə başçılıq edib. Üçüncü yerə 2008-ci ildə Kristofer Nolan tərəfindən çəkilən
"Qara cəngavər” filmi layiq görülüb.
İlk onluğa həmçinin "Şouşenk həbsxanasından qaçış”, "Kriminal qiraət”, "Yaxşı
oğlanlar”, "İndiana Cons. İtirilmiş Nuhun gəmisini axtararkən”, "Çənələr” və
"Üzüklər hökmdarı.Üzük qardaşlığı” filmləri daxil olub.
Jurnalın sorğusunda 20 min kinosevərlər iştirak edib.
