Yəməndə vəbaya yoluxanların sayı 500 min nəfəri ötüb.
"Report" xəbər verir ki, bu barədə Ümumdünya Səhiyyə Təşkilatının mətbuat xidməti məlumat yayıb. Məlumatda bildirilir ki, xəstəliyin epidemiyasının qeydə alındığı 4 ay ərzində, avqustun 13-ə qədər vəbaya yoluxmaqda şübhəli bilinənlərin sayı 503484 nəfərə çatıb. Onlardan 1975 nəfəri xəstəlikdən ölüb.
Bildirilir ki, bir sıra ərazilərdə xəstəliyin yayılması əhəmiyyətli dərəcədə azalıb. Lakin hər gün 5 min nəfərə qədər insan bu virusa yoluxur.