ATƏT-in Minsk Qrupunun yeni amerikalı həmsədri Endrü Şefer olacaq. Bu barədə Amerikanın indiki həmsədri Riçard Hoqland Vaşinqtonda Mətbuat Evində keçirilən "dəyirmi masa”dakı çıxışında bildirib.

"Amerikanın səsi”nin məlumatına görə, E.Şefer avqustun 28-də öz vəzifəsinin icrasına başlayacaq.

"Məmnunluqla bildirmək istəyirəm ki bazar ertəsindən yeni həmsədr Endrü Şefer olacaq. O, çox təcrübəli, yüksək vəzifəli diplomatdır, beynəlxalq təşkilatlarda ABŞ məsələləri üzrə müvəkkil olub. Həmsədrin dəyişməsindən asılı olmayaraq, ABŞ-ın indiki administrasiyasının mövqeyi bu məsələdə dəyişməz qalır”, – R.Hoqland bildirib.

O qeyd edib ki, Kipr və digər münaqişələrin nizamlanmasında E.Şeferin real təcrübəsi var. "Düşünürəm ki, Dövlət Departamenti yaxşı həmsədr seçib”, – o vurğulayıb.

Sonra o, Qarabağ münasişəsinin nizamlanması yollarına toxunub və deyib ki, gələcək sülh bir neçə elementə əsaslanmalıdır: keçmiş Dağlıq Qarabağ Muxtar Vilayəti hüdudlarındakı ərazilərə müvəqqəti status verilməlidir ki, bu, minimum olaraq ərazinin təhlükəsizliyini və özünü-idarəçiliyi təminat altına alsın; Dağlıq Qarabağ ətrafındakı işğal olunmuş ərazilər Azərbaycanın nəzarətinə qaytarılmalıdır; Ermənistanla Dağlıq Qarabağ ərazisini birləşdirən təhlükəsiz dəhliz mövcud olmalıdır; bütün məcburi köçkünlər və qaçqınlar öz yaşayış yerlərinə qayıtmalıdır; regiona üçüncü ölkələrdən sülhməramlı qüvvələr gətirilməlidir.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300