2 yaşlı Zərifin sizin köməyinizə ehtiyacı var.

Bu barədə Oxu.Az-a onun atası Pərviz Misirov məlumat verib.

O bildirib ki, övladı qan xərçəngi ilə mübarizə aparır:

“Bir neçə ay əvvəl qızımın kəskin leykozla mübarizə apardığını öyrəndik. Bir müddət Milli Hematologiya və Transfuziologiya Mərkəzində müalicə aldı. Lakin müalicə üçün Belarusa getməyimiz məsləhət görüldü. Oradan isə bildirildi ki, bu xəstəliklə mübarizə üçün 5 kurs müalicə lazımdır. Hər kursu isə 16 min dollardır. Qızımın xəstəliyini öyrənən kimi bütün dəyərli əşyalarımızı, o cümlədən mətbəx mebelimizi, televizorumuzu satdıq. Amma bu pulu toplamaq bizim üçün imkansızdır.

Özüm taksi şoferi işləyirəm, yoldaşım isə evdar qadındır. Bizim Zərifdən başqa bir övladımız da var. O, isə 5 aylıqdır. Buna görə də maddi olaraq tükənmişik. Zərifin cəmi iki yaşının olmasına baxmayaraq, çox böyük ağrılara dözür. Bütün günü ağlayır. Bir ata olaraq qızımı bu vəziyyətdə görmək məni məhv edir. Qızımın gözündən 1 yaş töküləndə mənim gözümdən sel axır. Xalqımızdan xahiş edirəm bizə dəstək olsunlar. Bu çətin günlərin öhdəsindən bizim təkbaşına gəlməyimiz mümkünsüzdür”.

Əlaqə nömrəsi: 050 695 02 06

Kapital bank: 4169 7388 5460 3556