Dövrün yeni bəlası: Sosial media asılılığından NECƏ QURTULAQ?

ABŞ-nin Miçiqan Universitetinin araşdırmasına əsasən dünya üzrə 210 milyon insan sosial mediadan asılı vəziyyətdə  yaşayır. Bu insanlar gün ərzində təxminən 5 saatdan çox vaxtlarını sosial mediada keçirirlər. 

Müasir rəqəmsal dünyada sosial media həyatımızın ayrılmaz hissəsinə çevrilib. Bununla belə, həddindən artıq aludəçilik bir çox fiziki və ruhi təhlükələr yaradır. Dünyada ən azı 210 milyon insan sosial mediadan asılı vəziyyətə düşüb. Mütəxəssislər bildirirlər ki, sosial media tətbiqləri beynin mükafat mexanizmini işə salaraq asılılıq və vərdiş yaratmaq üçün nəzərdə tutulub.

Dünyada 4,8 milyard insan hər gün sosial mediadan istifadə edir. Bu rəqəmin 2027-ci ildə 6 milyard olacağı gözlənilir. Sosial şəbəkələrdən gündə 5 saatdan çox istifadə etmək asılılığın göstəricisi hesab olunur. Bir çox gəncdə gündəlik istifadə vaxtı 9 saata qədər olur.

Orta hesabla bir insan hər gün sosial mediada 2 saat 27 dəqiqə vaxt keçirir. Sürücülərin yarıdan çoxu sükan arxasında olarkən sosial şəbəkələrdən istifadə etdiyini etiraf edir. Uşaqlarda və yeniyetmələrdə sosial mediadan həddindən artıq istifadə onların beynini sözün əsl mənasında dəyişdirə bilər.

Ən zərərlisi “İnstagram”dır!

Yeniyetmələrin təxminən 42 faizi etiraf edir ki, sosial media onların dostları ilə üz-üzə ünsiyyət qurmasına mane olur. Son sorğularda yeniyetmələrin 70 faizi sosial mediaya görə özlərini təcrid olunmuş hiss etdiklərini bildiriblər. Sosial media çağında yeniyetmələr arasında intihar halları artıb. Son 10 ildə ABŞ-da 15-24 yaş qrupunda intiharlar ikinci ən çox yayılan ölüm səbəbi olub.

Sosial media alkoqol və siqaretdən daha çox asılılıq yaradır. ABŞ-da aparılan araşdırmalara görə, “YouTube” 13-17 yaş qrupunda ən populyar platformadır. Onu “TikTok”, “Snapchat” və “Instagram” izləyir.

İngiltərədəki Kral İctimai Sağlamlıq Cəmiyyətinin araşdırmasına görə, Instagram gənclərin psixi sağlamlığına ən çox zərər verən platformadır.

Vüsal Cahanov, “İki sahil”

  • Related Posts

    Qubernator qədim mətnin deşifrə edilməsi üçün 1 milyon dollar təklif edir

    Hindistanın Tamilnad ştatının qubernatoru Hind vadisi sivilizasiyasına aid qədim yazının oxunmasını bacaran şəxsə 1 milyon dollar mükafat vəd edib. Qaynarinfo bu barədə “Good News Network”a istinadən xəbər verir. Hindistan və…

    FHN-in iki evi 183 minə ev tikmə planı alınmadı: tender ləğv edildi

    Fövqəladə Hallar Nazirliyinin tenderi ləğv edilib. Tribunainfo.az xəbər verir ki, nazirliyin yanında Tikintidə Təhülkəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyəti tenderə əsasən Lənkəran rayonunda 2 ədəd 3 otaqlı fərdi…

    Bir cavab yazın

    Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

    Yazarlar

    Süni intellekt və biz: yarışaqmı, savaşaqmı

    Süni intellekt və biz: yarışaqmı, savaşaqmı

    “Ermənistanın təxribatları antiterror əməliyyatının keçirilməsini labüd etmişdi”-Polkovnik

    “Ermənistanın təxribatları antiterror əməliyyatının keçirilməsini labüd etmişdi”-Polkovnik