Qəbizlik xüsusilə lifsiz və çox bərk qidaların həddindən artıq istehlakı nəticəsində yaranan bir problemdir. Bu vəziyyətdən qurtulmaq üçün istifadə olunan dərmanlar bəzən istənilən effekti verməyə bilər. Qarın ağrısı ilə müşayiət olunan qəbizlikdən xilas olmaq üçün isə təbii üsullar olduqca faydalı ola bilər.

Bu üsullardan bəzilərini təqdim edirik:

Quru ərik

Quru ərik yüksək miqdarda pəhriz lifi və təbii işlədici təsirə malik sorbitol maddəsi ilə zəngindir. Qəbizlik probleminin aradan qaldırılması üçün quru ərik yemək olduqca effektivdir. Əriklə birlikdə bol su içmək təsirini daha da artırır.

Çia toxumu

Çia toxumu zəngin lif tərkibinə malikdir. Bir qaşıq çia toxumunu suyun içində saxlayıb jel halına gətirdikdən sonra istehlak etmək bağırsaqların hərəkətini sürətləndirərək qəbizliyi aradan qaldıra bilər.

İspanaq

İspanaq liflə zəngin olmaqla yanaşı, maqnezium baxımından da olduqca faydalıdır. Qaynadılmış ispanağı suyuyla birlikdə qəbul etmək bağırsaqları yumşaldır və qısa müddətdə qəbizlikdən azad olmağa kömək edir.

Alma

Alma tərkibində olan pektin adlı həll olan liflər sayəsində bağırsaqların fəaliyyətini tənzimləyir.

İncir

İncir təbii işlədici təsirə malikdir. Həm təzə, həm də quru incir yüksək lif tərkibi ilə bağırsaqların işini aktivləşdirir.

Kətan toxumu

Kətan toxumu həm yüksək lif, həm də Omeqa-3 yağ turşuları ilə zəngindir. Qəbizlik zamanı istifadə edildikdə bağırsaqları yumşaldır və onların fəaliyyətini artırır.//musavat.com