Qəzza rəsmiləri 2023-cü ilin oktyabrından bəri davam edən döyüşlər nəticəsində Fələstin anklavına dəyən birbaşa ziyanın 50 milyard dollardan çox olduğunu bildiriblər.

Musavat.com-un məlumatına görə, bu ilkin məlumatlar Qəzza hakimiyyətinin mətbuat xidməti tərəfindən öz Telegram kanalında yayımlanıb.

“Döyüşlər nəticəsində dəyən zərər ilkin olaraq 50 milyard dollardan çox qiymətləndirilir; müharibə Qəzzada həyatın bütün sahələrinə təsir edib”, – sənəddə deyilir.

Qəzza rəsmiləri vurğulayır ki, anklavın sakinləri yalnız yaşayış binalarını deyil, həm də tibb müəssisələrini, məktəbləri, universitetləri, dini obyektləri və digər mühüm infrastrukturları yenidən qurmalı olacaqlar.