Poltavada Ukrayna Qarapapaq Türkləri Milli Şurasının Növbədənkənar Qurultayı keçirildi
Daşqın Gülməmmədov: Azərbaycan, Türkiyə və Qazaxstan bizim milli dövlətlərimizdir. Bu gün Ukraynanın Poltava şəhərində, ölkənin ən böyük ictimai birliklərindən biri olan, Ukrayna Qarapapaq Türkləri Milli Şurasının (UQTMŞ) Növbədənkənar (III) Qurultayı keçirilib. Qurultaya Ukrayna Qarapapaq Türkləri Milli Şurasının 18 vilayət təşkilatının, o cümlədən UQTMŞ Kiyev, Odessa, Xarkov, Çernovtsı, Nikolayev. Zaporojye, Zakarpatye, Lvov, Jitomir, Vinnitsa, Çerniqov, Xmelnitski, Doneçk, Luqansk, Poltava vilayət təşkilatlarını, Kiyev və Sevastopol şəhər təşkilatlarını, Krım Respublika təşkilatını təmsil edən 47 nümayəndə qatılıb. Bu barədə uluyol.info-ya UQTMŞ-nın baş katibi Ülfət Məhərrəmov məlumat verib.
Qurultaya UQTMŞ Rəyaəst Heyətinin üzvü Tatyana Çokalo sədrlik edib.

Qurultayda Ukraynanın Donetsk və Luqansk bölgələrindəki siyasi vəziyyət və Rusiya tərəfindən işğal edilmiş Krım yarımadası ilə bağlı müzakirələr aparılıb. Çıxış edənlər bildiriblər ki, Ukraynanın ictimai təşkilatlarının əsas vəzifələrindən biri ölkənin ərazi bütövlüyünün təmin edilməsi və işğal olunmuş ərazilərin azad olunmasıdır.

Qeyd olunub ki, ərazi bötövlükləri başqa dövlətlər tərəfindən işğal edilmiş, Ukrayna, Azərbaycan, Gürcüstan, Moldova və Pakistanın ictimai birlikləri mütləq birgə fəaliyyət platforması hazırlamalıdırlar. Qurultayda çıxış edən UQTMŞ sədri Daşqın Gülməmmədov giriş nitqində bildirib ki, Ukrayna Qarapapaq Türkləri Milli Şurası, Ukraynanın ictimai birliyi olsa da bizim daha üç milli dövlətimiz var, bunlar Azərbaycan, Türkiyə və Qazaxıstandır. Qurultayda çıxış edənlərdən Tatyana Çokalo, Bəxtiyar Hacıyev, Cavanşir Babayev və digərləri vurğulayıblar ki, Ukraynanın və Azərbaycanın işğal edilmiş əraziləri qeyd şərtsiz azad edilməlidir. Qurultayda Ukrayna Qarapapaq Türkləri Milli Şurasının yeni tərkibdə kolegial ali orqanı - UQTMŞ Rəyasət Heyəti seçilib. Qurultayın qərarı ilə, açıq səsvermə nəticəsində, UQTMŞ Rəyasət Heyətinin tərkibinə Aytən Əlizadə, Cavanşir Babayev, Paraskeva Doçyak, Svetlana Nikitina, Paşa Məmmədov, Vilayət Xəlilov, Ülfət Məhərrəmov, Daşqın Gülməmmədov, Olena Vrublevskaya, Nataliya Günko, Sergey Hnatyuk, Ceyhun Həsənov, Bəxtiyar Hacıyev, Tatyana Çokalo, Viktoriya Hnatyuk, İrina Solod (Allyamova), İrina Manko, Yuliya Olivenko, Neymət Güləhmədov seçiliblər. UQTMŞ Növbədənkənar Qurultayı həmçinin Ukrayna Qarapapaq Türkləri Milli Şurasının Dnepropetrovsk, Çerkassı və Sumı vilayət təşkilatlarının təsis edilməsi ilə bağlı qərar da qəbul edib. S.Nikitina UQTMŞ Dnepropetrovsk vilayət təşkilatının sədri, İ.Manko UQTMŞ Çerkassı vilayət təşkilatının sədri və P.Məmmədov isə UQTMŞ Sumı vilayət təşkilatının sədri təyin ediliblər.
Qurultayın sonunda Ukraynanın və Azərbaycanın işğal edilmiş əraziləri ilə bağlı qətnamə qəbul edilib. Qətnamədə deyilir ki, Ukraynanın işğal edilmiş Krım yarımadası, Donetsk və Luqansk vilayətlərinin bir hissəsi, Azərbaycan Respublikasının Dağlıq Qarabağ bölgəsi və ətraf rayonlar dərhal azad edilməlidir və hər iki dövlətin ərazi bütövlüyü təmin edilməlidir.

Qarapapaq Türklərinin Baş Şadı Öndər Aksu, Qurultay nümayəndələrini təbrik edib və UQTMŞ-nin bəzi vəzifəli şəxslərinə titullar verib. Cavanşir Babyevə, Sergey Hnatyuka, Bəxtiyar Hacıyevə, Ceyhun Həsənovə və Vilayət Xəlilova Qarpapaq Türklərinin Baş Şadı Öndər Aksu öz fərmanı ilə Xan titulu verib. Qeyd edək ki, Ukrayna Qarapapaq Türkləri Milli Şurası 17 iyul 2012-ci ildə Daşqın Gülməmmədovun təşəbbüsü ilə yardılıb. UQTMŞ I Qurultayı 5 sentyabr 2013-cü ildə Ukraynanın Çerniqov şəhərində, UQTMŞ II Qurultayı 8 aprel 2014-cü ildə Vinnitsa şəhərində keçirilib. 6 may 2014-cü ildə Ukrayna Qarapapaq Türkləri Milli Şurası Ukrayna Ədliyyə Nazirliyi Dövlət Qeydiyyat Xidməti tərəfindən Ümumukrayna ictimai birliyi statusunda dövlət qeydiyyatına alınıb. Mərkəzi-mənzil Qərargahı Vinnitsa şəhərində yerləşir. Hazırda Ukrayna Qarapapaq Türkləri Milli Şurası Ukraynada fəaliyyət göstərən ən böyük türkdilli və etnik azlıqlara məxsus leqal fəaliyyət göstərən təşkilatlardan biridir. UQTMŞ-nın 21 vilayət təşkilatı mövcuddur. UQTMŞ- yə 2012-ci ildən Daşqın Gülməmmədov rəhbərlik edir.

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300