Bu ilin yanvar ayının 3-də ABŞ-ın qəfil hərbi əməliyyatıyla yatdığı yerdə ölkəsindən qaçırılan Venesuela prezidenti Nikolas Maduronun həyat yoldaşı Cilia Floresin səhhətində problem yaranıb.
Mia.az xarici mətbuata istinadla xəbər verir ki, hazırda ABŞ-da həbsxanada saxlanılan Floresin vəkilləri onun ürəyində yaranan problemi əsas gətirərək, ev dustaqlığına buraxılmasını tələb ediblər.
Məlumata əsasən, bu məqsədlə Manhettendəki federal məhkəməyə ərizə təqdim olunub: “Xanım Flores ev dustaqlığı altında məhkəməsini gözləmək haqqına sahibdir. Bu haqq ona verilməlidir”
Vəkillər bildiriblər ki, Flores ev dustaqlığına buraxılarsa, o, silahlı hərbçilər tərəfindən 24 saat qorunacaq, ona yalnız məhkəmə və ya prokurorlar tərəfindən səlahiyyət verilmiş şəxslərlə görüşməyə icazə veriləcək: “Üstəlik, ev video qeyd sistemi ilə izləniləcək. Hələlik məhkəmə tələbimizə cavab verməyib. Ancaq inanırıq ki, saxlanıldığı Bruklin həbsxanasından buraxılacaq”
Samir MUSAYEV
mia.az
