“Sabah”ın UEFA Çempionlar Liqasının əsas mərhələsində qarşılaşacağı “Barselona” klubu itki ilə üzləşib.
Komandanın danimarkalı müdafiəçisi Andreas Kristensen zədələnib.
Müayinələrin nəticəsinə əsasən, futbolçunun sol bud əzələsində zədələnmə aşkarlanıb. Andreas Kristensenin yaxın həftələr ərzində komandasına kömək edə bilməyəcəyi bildirilib. Onun yaşıl meydanlara qayıdış müddəti müalicə prosesinin gedişindən asılı olacaq.
Qeyd edək ki, Danimarka millisinin üzvü 2026/2027 mövsümündə 6 oyunda iştirak edib. Bu matçların 4-də start heyətində yer alan Andreas Kristensen 1 məhsuldar ötürmə edib və ümumilikdə 402 dəqiqə meydanda olub./milli.az/
