Vaşinqton Tehranın bütün şərtlərini qəbul etməyincə, İran və ABŞ arasında danışıqlar aparılmayacaq.
Ölkə.az xəbər verir ki, bu barədə İran parlamentinin Milli Təhlükəsizlik və Xarici Siyasət Komitəsinin sədri İbrahim Əzizi özünün X (tvitter) səhifəsində yazıb.
İranlı deputat ABŞ-ı Tehranın qətiyyətini yenidən sınamağın mümkün nəticələri barədə xəbərdar edib. Onun sözlərinə görə, bu, yalnız yeni itkilərə və Vaşinqton üçün daha ağır məğlubiyyətlərə səbəb olacaq. “Qətiyyətimizi yenidən sınamaq yalnız utancverici məğlubiyyətlərinizin qiymətini artıracaq. Şübhəsiz ki, miqyasından asılı olmayaraq heç bir cinayət cavabsız qalmayacaq”, – o qeyd edib.
Əzizi əlavə edib ki, İranın cavabı “dağıdıcı, daha da ağrılı və klassik” olacaq və bu, ABŞ-ın uğradığı məğlubiyyətlər seriyasında daha bir halqa olacaq.
