Sentyabrın 7-də Müsavat Partiyası Divanının növbəti iclası keçirilib. İclasda əvvəlcə görülən işlər müzakirə olunub.
Partiya rəhbərliyinin işgaldan azad olunmuş ərazilərə səfəri yüksək qiymətləndirilib.
Bildirilib ki, ötən həftələrdə 20-dən artıq rayon təşkilatında iclaslar və digər tədbirlər keçirilib. Həmçinin Müsavatçı Gənclər Təşkilatının fəaliyyəti barədə məlumat verilib.
Ölkədə və regionda baş verən hadisələr müzakirə olunub.
Siyasi məhbusların saxlanma şəraitinin pisləşməsi, Əli Kərimliyə qarşı qanunsuz məhdudiyyətlərin tətbiqinə görə narahatlıq ifadə edilib. AXCP fəalı Əlizamin Salayevin növbəti dəfə həbs olunması pislənilib, onun və digər siyasi məhbusların azadlığa buraxılması bir daha tələb edilib.
Rusiya ilə Ukrayna arasında artan eskalasiya fonunda həm də atəşkəs cəhdlərinin bərpası, ABŞ-İran qarşıdurması və digər məsələlər ətrafında fikir mübadiləsi aparılıb.
Sonda cari məsələlər müzakirə olunub.
