Nyu-York şəhər rəsmiləri 11 sentyabr 2001-ci il terror hücumlarından sonra hava keyfiyyəti ilə bağlı sənədləri yaymağa başlayıblar.
Musavat.com xarici mediaya istinadla xəbər verir ki, materiallarda göstərilir ki, hücumlardan sonra rəsmilər sakinləri havanın təhlükəsiz olduğuna əmin etsələr də, havada asbest də daxil olmaqla təhlükəli maddələr olub.
Arxivdə şəhər rəsmilərinin 170.000 səhifədən çox hesabatı, ölçmələri və yazışmaları var. Sənədlər 68 qutuda saxlanılıb və iyirmi ildən çox müddət ərzində əlçatmaz qalıb. Hakimiyyət orqanları onların 2025-ci ildə aşkarlandığını iddia edirlər.
“Nyu-York tayms” qəzetinin nəzərdən keçirdiyi materiallara görə, hücumlardan on ay sonra belə, Dünya Ticarət Mərkəzindən təxminən yarım mil məsafədə asbest tapılıb. Bəzi toz və hava nümunələrində çirkləndirici maddələrin səviyyəsi məqbul hədləri aşıb. 2001-ci ilin noyabr ayında dərc olunmuş hesabatda dağıdılmış qüllələrin yaxınlığında benzol konsentrasiyalarının kəskin şəkildə artdığı da qeydə alınıb.
Daxili qeydlərdə şəhər rəsmilərinin hava çirkliliyinin təsirlərinə görə mümkün məsuliyyəti müzakirə etdikləri göstərilir. Bu arada, merlər Rudolf Culiani və Maykl Blumberq onun təhlükəsizliyini açıq şəkildə elan ediblər. Ətraf Mühitin Mühafizəsi Agentliyinin o vaxtkı rəhbəri Kristin Todd Uitman daha sonra bu cür bəyanatlara görə üzr istəyib.
NYT-nin məlumatına görə, sənədlərdə sakinlərə və işçilərə Aşağı Manhettenə vaxtından əvvəl qayıtmaq tövsiyə edildiyi göstərilir. Lakin dərc olunmuş materiallar o dövrdə toplanmış məlumatların yalnız bir hissəsini əhatə edir.
11 sentyabr 2001-ci ildə 19 “Əl-Qaidə” terrorçusu ABŞ-də dörd sərnişin təyyarəsini qaçırıb. Onlardan ikisi Nyu-York şəhərindəki Dünya Ticarət Mərkəzinin qoşa qüllələrinə, biri Vaşinqtonda Pentaqonun binasına çırpılıb. Dördüncü təyyarə hədəfinə çata bilməyib və Pensilvaniya ştatının Şanksvill şəhəri yaxınlığında qəzaya uğrayıb (əslində ABŞ hərbi hava qüvvələri tərəfindən vurulub).
