ABŞ prezidenti Donald Tramp Hörmüz boğazının adının “Tramp boğazı” adlandırılmasını təklif edib, çünki onun sözlərinə görə, su yolu Amerika qoşunlarının nəzarəti altındadır.
Musavat.com xarici mediaya istinadla xəbər verir ki, Donald Tramp bu brədə Truth Social sosial şəbəkəsində yazıb: “İndi ABŞ-nin nəzarəti altında olduğuna görə, Hörmüz boğazının adını “Tramp boğazı” adlandıra bilərikmi? Amerikanın özü kimi, orada da əvvəlkindən daha “isti” olacaq!”
O, İran üzərində qələbədən sonra, 14 avqustda Hörmüz boğazını ABŞ ərazisi elan etmək niyyətini açıqlayıb. Daha sonra Tramp sosial mediada bir neçə dəfə boğazın ABŞ-nin bir hissəsi olduğunu göstərən xəritə paylaşıb.
İkinci dəfə vəzifəyə başlayandan bəri Tramp üç əsas coğrafi obyektin adlarını dəyişdirib – lakin yalnız ABŞ daxilində rəsmi istifadə üçün.
20 yanvar 2025-ci ildə Trampın təşəbbüsü ilə Meksika körfəzi “Amerika körfəzi”, Alyaskadakı Denali dağı isə “Makkinli dağı” adlandırılıb.
27 avqust 2026-cı ildə Kanada ilə ticarət mübahisəsinin pik həddə çatdığı bir vaxtda Ontario gölünə “Amerika gölü” adı verilib.
Yeni adlar ABŞ federal GNIS bazasına daxil edilib və ABŞ agentlikləri tərəfindən istifadə olunur. Kanada, Meksika və dünyanın əksər hissəsi bu adları tanımır. Google və Apple Maps yeni adları əsasən Amerika istifadəçilərinə göstərir.
Beynəlxalq miqyasda belə hesab olunur ki, ABŞ prezidenti öz ölkəsinin sistemindəki adları dəyişdirə bilər, lakin bütün dünyanı onlardan istifadə etməyə məcbur edə bilməz.
