Fransanın “Vətənpərvərlər” (“Les Patriotes”) partiyasının lideri və prezidentliyə namizəd Florian Filippo ölkə prezidenti Emmanuel Makronu kütləvi iğtişaşlarda günahlandıraraq onu dərhal istefa verməyə çağırıb.
Musavat.com xəbər verir ki, bu barədə Fransa mediası məlumat yayıb.
Filippo mövcud böhrana hazırkı hökumətin yürütdüyü yalnış siyasətin səbəb olduğunu bildirib.
Siyasətçinin sözlərinə görə, hakimiyyət cəmiyyətə inteqrasiya oluna bilməyən və “Fransaya nifrət etməyə öyrədilən” kütləvi miqrant axınına onilliklər ərzində göz yumub.
Bütün ölkəni bürüyən nümayişlər zamanı etirazçılar inqilaba çağırış əks olunan plakatlar qaldırıb və “Makron, istefa ver!” şüarları səsləndiriblər.
Aksiya və iğtişaşlar fonunda təkcə Parisdə 850-dən çox insan saxlanılıb. Analoji əməliyyatlar zamanı Lionda 160, Lilldə 69, Limojda isə 17 nəfər həbs edilib.
