Rusiyanın və ABŞ-nin prezidentləri Vladimir Putin və Donald Trampın Çində keçiriləcək Asiya-Sakit Okean İqtisadi Əməkdaşlığı (APEC) sammitində görüşü yalnız iki ölkə üçün deyil, bütün dünya üçün də zəruri ola bilər.
Musavat.com-un TASS-a istinadən yaydığı məlumata görə, Rusiya liderinin mətbuat katibi Dmitri Peskov jurnalistlərə açıqlamasında belə deyib.
“Əminəm ki, prezident (Rusiya Federasiyasının prezidenti-red.) orada prezident Trampla görüşməkdən məmnun olar. Bu görüş yalnız iki ölkəmiz üçün deyil, bütün dünya üçün də zəruri olardı”, – Kremlin nümayəndəsi qeyd edib.
Qeyd edək ki, ABŞ Prezidenti Donald Tramp noyabr ayında Çində keçiriləcək Asiya-Sakit Okean İqtisadi Əməkdaşlığı (APEC) sammitində iştirak etmək niyyətində olduğunu təsdiqləyib.
Tramp bu barədə Ağ Evdə Çin Prezidenti Si Cinpinlə görüşü zamanı bildirib. Si Cinpin ABŞ prezidentini və həyat yoldaşı Melaniya Trampı qarşıdakı APEC sammitində iştirak etmək üçün Çinə dəvət edib. APEC sammitinin bu il noyabrın 18-19-da Çinin Şençjen şəhərində keçirilməsi planlaşdırılır.
