Yaxın vaxtlarda Ermənistandan Azərbaycana məhsul ixracının başlanması gözlənilir. Bunu Ermənistanın baş naziri Nikol Paşinyan açıqlayıb. O bildirib ki, Azərbaycanla qarşılıqlı ticarət məsələsi gündəmdədir və yaxın vaxtlarda Ermənistandan Azərbaycana ixrac həyata keçiriləcək. Lakin Paşinyan hansı məhsulların Azərbaycana göndəriləcəyini açıqlamayıb.
İndi sual budur ki, Ermənistanın hansı məhsulları Azərbaycan bazarına daxil ola bilər?
Bəzi ekspertlər qeyd edir ki, ilk mərhələdə tikinti materialları və tikinti sənayesi məhsulları, elektrik və kabel avadanlıqları, sənaye üçün xammal və komponentləri, sonra isə qida və içki məhsulları gələ bilər.
Bəs kimlər erməni məhsulları alacaq? Bu məhsulları almaq istəyənlər çox olacaq, yoxsa onları boykot edənlər?
TV Musavat-ın əməkdaşları bu suallarla Bakı sakinlərinə müraciət edib, onların rəyini öyrənib.
Hazırladığımız videosorğunu təqdim edirik:
Xalidə Gəray
Rafət Şahbazov
Musavat.com
