“Azərbaycan Ermənistan Konstitusiyasında dəyişiklik tələb etmir, lakin sülh müqaviləsinin imzalanması üçün ilkin şərt qoyur”.
Tribuna.az xəbər verir ki, bunu Ermənistanın XİN başçısı Ararat Mirzoyan deyib.
Onun sözlərinə görə, sərhəd demarkasiyası işləri davam edir. “Bu, mövcuddur və siz bunu yaxın gələcəkdə görəcəksiniz”.
Mirzoyanın fikrincə, Azərbaycan tərəfinin Qərbi Azərbaycanla bağlı yanaşması Ermənistanın ərazi bütövlüyü ilə bir araya sığmır. O hesab edir ki, indiki məqamda belə bir müzakirəyə gərək yoxdur.
Erməni nazir hazırda Ermənistanda əsirlikdə olan azərbaycanlı hərbçinin aqibətinə də aydılıq gətirib. ““Azərbaycan hərbçisinin azaraq Ermənistana keçməsi faktdır. Lakin ortada bir cinayət var. O, hadisə törədib. Buna görə də, mühakimə olunmalıdır. Gələcəkdə geri qaytarılması məsələsi müzakirə oluna bilər”.
