ABŞ-də 30 il ərzində şarj və texniki xidmət tələb etmədən işləyə biləcək yeni nəsil nüvə batareyalarının hazırlanmasına başlanılıb.
Musavat.com xəbər verir ki, ABŞ-dəki yeni nəsil radioizotop enerji mənbələrinin hazırlanması üçün ilə 3,37 milyon dollarlıq müqavilə imzalayıb.
Layihənin əsasını nüvə tullantılarından əldə edilən stronsium-90 izotopu təşkil edir. Bu texnologiyada radioaktiv parçalanma nəticəsində yaranan enerji birbaşa elektrik enerjisinə çevrilir. Nəticədə batareyalar enerji toplama sisteminə ehtiyac olmadan 30 ilədək fasiləsiz işləyə bilir.
Layihədə , ABŞ milli laboratoriyaları və digər tərəfdaş qurumlar da iştirak edir.
Bu tip enerji mənbələrinin əsasən kosmik aparatlar, sualtı sistemlər, uzaq məsafədə yerləşən sensorlar və müdafiə texnologiyalarında istifadə olunması planlaşdırılır. Belə obyektlərdə enerji mənbəyinin dəyişdirilməsi ya mümkün olmur, ya da çox baha başa gəlir.
Mütəxəssislər bildirirlər ki, yeni texnologiya mövcud radioizotop batareyaları ilə müqayisədə daha yüksək enerji səmərəliliyi təmin etməlidir. Layihə hazırda tədqiqat mərhələsində olsa da, gələcəyin avtonom enerji sistemləri üçün ən perspektivli istiqamətlərdən biri hesab olunur.
