Gürcüstan müxalifəti qərara gəlib ki, küçə etirazları müxalif partiya və təşkilatların yasaqlanmasının qarşısını almaq üçün yeganə yoldur.
Musavat.com xarici mediaya istinadla xəbər verir ki, oktyabrın sonlarından başlayaraq onlar Tiflisin mərkəzində “İvanişvilisiz Gürcüstan” ümumi şüarı altında kütləvi mitinqlər keçirəcəklər.
“Bu aksiya etirazın başlanğıcı deyil, yeni dalğanın başlanğıcıdır. Bu, “İvanişvilisiz Gürcüstan” adlanır. Gürcüstan həqiqətən daha yaxşısına layiqdir və biz həqiqətən Avropaya doğru irəliləyirik. Amma Bidzina İvanişvili (“Gürcü arzusu”nun qurucusu) Gürcüstanda hakimiyyəti qəsb etmiş bir adam olaraq qaldığı müddətcə biz uğur qazana bilməyəcəyik”, – “Dəyişiklik uğrunda koalisiya”nın liderlərindən biri Nika Qvaramiya bildirib.
Onun sözlərinə görə, mübarizə 28 noyabrda öz kulminasiya nöqtəsinə çatmalıdır. 2024-cü ilin həmin günündə “Gürcü arzusu” hökuməti Avropaya inteqrasiya ilə bağlı danışıqları dayandırmaq qərarına gəlib.
“Etirazların özləri heç bir təsir göstərməyəcək, lakin onlar “Gürcü arzusu”na təşkilatların qadağan edilməsinin onun rəqiblərini aradan qaldırmayacağını xatırladır. Hətta 28 noyabrdan əvvəl qadağan olunsalar belə (bu, tamamilə mümkündür), onların üzvləri dissident olacaq və digər vətəndaş cəmiyyəti fəalları etirazlar təşkil edəcəklər”, – Qara Dəniz Beynəlxalq Universitetinin professoru Nika Çitadze bildirib.
Bu arada, Konstitusiya Məhkəməsi Bidzina İvanişvili, baş nazir İrakli Kobaxidze, Tiflis meri Kaxa Kaladze və hakim partiyanın digər liderlərini dindirməkdən imtina edib. Məhkəmə sədarəti məhkəmə prosesində siyasi bəyanatlar verilməməsində israr edir. Digər məsələlərlə yanaşı, müxalifət üzvlərinə “Gürcü arzusu”nun qurucusu İvanişvilinin 2010-cu ildən 2011-ci ilə qədər Fransa pasportuna sahib olmasına görə Aİ agenti olduğunu demək qadağan edilib.
“Gürcüstan üçün Qaxariya”nın nümayəndəsi Giqa Parulava jurnalistlərə bildirib ki, Konstitusiya Məhkəməsi onun partiyasını konstitusiyaya zidd hesab etdikdən sonra o, buraxılacaq və üzvləri mandatlarından imtina etməyə məcbur olacaqlar.
