İspaniyanın “Barselona” futbol klubuİngiltərədə keçirdiyi mövsümöncəsi hazırlıq toplanışından planlaşdırıldığından daha tez qayıdacaq.
Oxu.Az xəbər verir ki, bu barədə Sport.es və “Marca” nəşrləri məlumat yayıb.
Qeyd olunub ki, “Barselona”nın İngiltərədə avqustun 3-nə planlaşdırılan “Preston”la yoldaşlıq görüşü baş tutmayacaq.
İngiltərə klubu zədələr və digər səbəblərdən əsas heyətdən kifayət qədər futbolçu toplaya bilməyib.
“Preston” oyunun gənclər komandasının futbolçularının iştirakı ilə keçirilməsini təklif edib, lakin “Barselona” bu variantla razılaşmayıb. Nəticədə kataloniyalılar məşq keçəcək və planlaşdırılandan daha tez İspaniyaya qayıdacaqlar.
Qeyd edək ki, “Barselona” artıq Birmingemdə yerli “Birmingem Siti” ilə yoldaşlıq görüşü keçirib. Qarşılaşma 2:2 hesabı ilə başa çatıb.
