“Blue Residence” mənzillərin çıxarışını vermək üçün sakinlərdən pul tələb edir.
Tribuna.az-a xəbər verir ki, bu barədə sözügedən kompleksin sakini olan Esmira adlı xanım bildirib. Şikayət səhifəsində bu barədə yazan sakin qeyd edib ki, şirkət rəhbəri sakinlərdən qanunsuz olaraq pul yığır:
“Mənzil alırsan min cür fırıldaqla rastlaşırsan. “Blue Residence”dən ev almışıq. Lakin rəhbərliyi sakinlərdən mənzillərin çıxarışını almaq üçün pul tələb edir. Bizdən 3 otaqlı mənzilə görə 900 manat istəyiblər. Onlar qanunsuz pul alırlar sakinlərdən.
Bundan əlavə, Bakıya güclü yağışlar yağanda yağışın suyu pəncərələrin açılmayan yerlərindən içəri doldu.
Azərbaycan Respublikasının Baş Prokurorluğuna da şikayət yazmışam.
Ondan əlavə olaraq, alqı-satqı müqaviləsində mənzilin sahəsi daha çox yazılıb mənzilin çəxarışını alanda isə sahə daha az göstərilir. Yəni sakinləri pulda da, mənzilin sahəsində də aldadırlar. Bununla da bağlı məhkəməyə müraciət olunacaq, çünki Nazirlər Kabinetinin qərarına uyğun hesablamayıblar evin kvadratını”.
Qarşı tərəfi dinləməyə hazırıq.
