Cənubi Koreya məhkəməsi Cənubi Koreyanın keçmiş ədliyyə naziri Pak Son-çjeni 3 dekabr 2024-cü ildə hərbi vəziyyətin elan edilməsindəki roluna görə 25 il həbs cəzasına məhkum edib.
Musavat.com xarici mediaya istinadla xəbər verir ki, 3 dekabr hadisələrini araşdıran xüsusi prokurorluq Pakı Son-çjeni keçmiş prezident Yun Sok-yol hərbi vəziyyət elan etdikdən sonra Ədliyyə Nazirliyinin yüksək vəzifəli şəxslərinin iclasını çağırdığına görə qiyamda iştirak etməkdə və səlahiyyətlərindən sui-istifadədə ittiham edib.
Məhkəmə xüsusi prokurorun iclasda Yun Sok-yolun əmri ilə saxlanılacaq siyasətçilərin saxlanma yerlərinin müzakirə olunduğu arqumentini nəzərə alaraq, hər iki maddə üzrə Pak Son-çjeni günahkar bilib.
Məhkəmə bildirib ki, təqsirləndirilən şəxs üsyanın uğur qazana biləcəyinə qərar verərək konstitusiyanı müdafiə etmək vəzifəsindən imtina edib və üsyanın iştirakçısı olmağı seçib.
Pak Son-çje Yun Sok-yolun kabinetindən hərbi vəziyyət işində məhkum edilən dördüncü keçmiş üzvü olub. Bundan əvvəl Cənubi Koreyanın keçmiş baş naziri Han Dek-su 23 il, keçmiş daxili işlər naziri Li San-min yeddi il, keçmiş müdafiə naziri Kim Yon-hyun isə 30 il həbs cəzasına məhkum edilib.
2026-cı ilin fevral ayında Yun Sok-yolun özü üsyanın təşkilində günahkar bilinərək ömürlük həbs cəzası alıb.
