İsveç Hokkey Federasiyası İdman Arbitraj Məhkəməsinin (CAS) Beynəlxalq Hokkey Federasiyasının (IIHF) Rusiya milli komandalarının beynəlxalq turnirlərdə iştirak etməsinə icazə vermək qərarını tənqid edib.
Musavat.com xarici mediaya istinadla xəbər verir ki, bu barədə təşkilatın saytında məlumat verilib.
İsveç tərəfi Rusiyanın hazırkı vəziyyətdə iştirakına qadağa qoymaqla bağlı əvvəlki mövqeyini qoruduğunu bildirib. İsveç Hokkey Federasiyasının sədri Anders Larsson vurğulayıb ki, İsveç hokkeyi CAS-ın hökmündən “son dərəcə məyusdur” və bu məsələ ilə bağlı mövqeyini dəyişməyib.
Larsson hesab edir ki, Rusiya hazırkı şəraitdə beynəlxalq turnirlərdə iştirak edə bilməz. O, İsveçin bu mövqeyi beynəlxalq forumlarda davamlı olaraq təbliğ etdiyini və hər mövsümdən əvvəl IIHF qərarlarını dəstəklədiyini xatırladıb.
CAS qərarı Rusiya komandalarının 2026/27 mövsümündə iştirakını məhdudlaşdıran beş IIHF Şurasının qətnaməsini ləğv edib. Qərar 2027-ci il kişilər və qadınlar arasında dünya çempionatına, gənclər arasında dünya çempionatına və 18 yaşa qədər kişilər və qadınlar arasında yeniyetmələr arasında çempionata şamil edilir.
