Uluyol.info xəbər verir ki, İran xarici işlər nazirinin müavini Kazem Qəribabadi Hörmüz boğazına yaxınlaşacaq Avropa gəmilərinin İran ordusu üçün “qanuni hədəf” sayılacağını bəyan edib.
“Hörmüz boğazına yaxınlaşmaq istəyən istənilən Avropa gəmisi qanuni hədəfdir”, deyə nazir müavini bildirib.
Qəribabadi qeyd edib ki, Hörmüz boğazı artıq İranın milli təhlükəsizliyinin bir hissəsinə çevrilib və ölkənin mühüm müdafiə potensialını təşkil edir.
Onun sözlərinə görə, boğaz İranın müharibədə əldə etdiyi uğurun əsas göstəricilərindən biridir və burada görülən tədbirlər ölkənin təhlükəsizliyinə uzunmüddətli təsir göstərəcək.
“Əgər Hörmüz boğazındakı vəziyyət əvvəlki vəziyyətinə qayıtsa, müharibədə qazandığımız uğur tam olmayacaq”, – deyə Qəribabadi vurğulayıb.
