Litvada pilotsuz uçuş aparatının (PUA) aşkarlanması ehtimalı ilə əlaqədar hava həyəcanı siqnalı elan olunub. Vilnüs aeroportunda uçuşlar müvəqqəti olaraq dayandırılıb.
Oxu.Az bu barədə LRT-yə istinadən xəbər verir.
Ehtimal olunan hava təhlükəsi paytaxt Vilnüs, Trakay, Elektrenay şəhərlərində elan edilib. Sakinlərin mobil telefonlarına göndərilən bildirişlərdə “sarı” təhlükə səviyyəsinin müəyyən edildiyi bildirilib.
Bu, hücumun ehtimal olunduğunu, lakin hələ başlamadığını bildirir. Litva ordusu əhalini əvvəlcədən ən yaxın sığınacaqları və ya təhlükəsiz məkanları müəyyənləşdirməyə çağırıb. Səmaya NATO qırıcıları qaldırılıb.
Bir qədər sonra həyəcan siqnalı ləğv edilib.
